HStAOrient5a: 61r

mebnīdür zīrā Şāfiʿī qatında bir maḥalli mā [ile] taṭhīr ėtmek teʿabbüd‑i maḥżdur // ve inqıyād‑i şerʿdür. ʿİlleti maʿlūm degüldür. Ammā [mā] İmām-i Aʿẓam qatında // quvvet‑i izāle ile muʿalleldür yaʿnī müzīl‑i necāset // olduġı‑çün taṭhīr ėder dėr. Zīrā bi‑l‑icmāʿ s̱ābitdür ki // mā iṣābet ėtdügi maḥalli necāsetden muṭahhardur ve s̱übūt‑i // ḥükm ṭahāret‑i ʿayn zevāl‑i necāsetdür dėr. Baʿdehū her müzīl‑i // necāset olan māʾīyātı buña qıyās ėder ḫall gibi mes̱elā. // İʿtirāż: Aṣḥāb‑i Şāfiʿī iʿtirāż ėder ki naṣṣ muʿallil // olmaġa taʿlīl-i mümkin gerek bunda ḫod mümkin degüldür. // Zīrā eger ṭahūrīyet‑i mā quvvet‑i izāle ile muʿallel olaydı // her giz ṭahāret ḥāṣıl olmazdı. Zīrā āb ki maḥall‑i // necāsete muttaṣıl ola ibtidāʾen necesdür. Pes fāʾide‑i // ṭahāret neden ḥāṣıl olur? Ve daḫı maḥall‑i mezbūrdan munfaṣıl // olan mā maḥall‑i mezbūra muttaṣıl olan mādan cüzʾdür. Māʾ‑i munfaṣıl // olan ḫod bi‑l‑icmāʿ necesdür. Pes māʾ‑i muttaṣıl daḫı qıyāsen // neces oldı. Ammā şerʿ ṭahāretine ḥükm ėtdi żarūret‑i // ḥācet içün. Bu taqdīrce mānuñ ṭahūrīyeti bir ḥükm‑i şerʿīdür // ki maʿqūlü l‑maʿnā degüldür. Pes sāyir māʾīyāt ʿilletinde müşterek // olub buña qıyās olınmaz. Ammā aṣḥāb‑i Ḥanefī